Instruction ou memoyre /
Premierement supplier a nostre Seint Pere lui pleize per nostre que le / eglize de nostre dame de Panplone soit eslevé en eglize metropolitane / et la exemier exsanter de la province superiorité et juricdiction / de l'Arcevesché de Saragosse porveu que le raume de Nabarre / est remue a per soy en province particuliere inssi qu'est le reume / d'Aragon.
Plus suplier à nostre Sainteté, et lui dire comment la cité d'Estoyle, dudit / reaume soit bonne et grant ville et bien peuplé, que la plus / grant eglize parrochiele soit leventée en eglize cathedrale / et par la substentacion de l'evesque, dignité et provendes en / le dite eglize se abra de ajoyndre l'abaye de Yraych.
Plus supplier à nostre Sainteté et lui dire coment en la cité de Tudele dudit/ reume de Nabarre y a une dignité en la eglize collegiale laquele / est de la diosseze de Tarassone.
Et la dite dignité et doyane / et chanoynes que soyt eslevée et erigie en eglize cathedrale / vauldra le doyane cinch cens ducas vieulx pour la sustantacion. Plus supplier à nostre Sainteté et lui dire coment la ville de Sangosse qu'est / dudit reume de Nabarre, est bonne ville et bien peuplée et riche / lequele sera eslevée et erigie la plus grande eglize parrochiale / de ladite ville en eglize cathédrale et per la substentacion de l'evesque / dignités et provendes sera huniee (unie) l'abaye de Saint Salvateur / de Leyre.
Plus supplier à nostre Sainteté et lui dire que la prioré et monestere de / Santa Marie de Ronssavaulx soit eslevé et erigié en / eglize cathedrale.
Plus supplier à nostre Sainteté et lui dire comment en la senhorie de Bearn a / deux eveschés l'une est l'evesché de Lescar, l'otre est l'evesché / d'Oloron, et le dit senhorine est province per soy les exemir et exanter de l'arcevesché de Auchs et les fere suffragantes / a l'arcevesché de Panplone.
(fº. 1v) Plus supplier à nostre Sainteté et lui dire coment dedens le reume de Nabarre / y a pluzieurs eglizes parrochiales et rectories lesquieles sont / à la presentacion du roy et des voyzins et parrochiens desdites / rectories et non son point de grant valeur, non obstant / que la coustume est tienle que ledit sieur et parrochiens quant / une d'eles vacque instituissent recteur ou recteurs de la / ou il survient pluzieurs foys debas, dissancions, murtres / et otres questions et escandales et se a cause que ledit / sieur donra sa voix et presentacion à hun avecques deux ou / troys parrochiens et les otres parrochiens cinq ou sis doneront / a hun otre, et pour hovier tout cela pleize à nostre Sainteté / extinguir et desmoler le droit de presanter d'autant / que thoche aux parrochiens et voyzins desdites rectories que / le roy aye puissance et faculté de presenter recteurs desdites / rectories coadjoyntz avecques ledit sieur l'alcalde / ou hun ou deux juras desditz lieus.
Plus supplier à nostre Sainteté et lui dire coment dedens ledit / reume y a grant nonbre de prestres lesquels tienent / et possedent du patrimoyne dudit reaume des quatre / parties: la une la ou ledit sieur ressoit grant domacge / et le pouvre peuple permetre que lesditz prestres que / tienent et possedent dudit patrimoyne puissent estre / convaincues appoyer les subcides que à leur part peult / toucher.
Plus supplier à nostre Sainteté et lui dire coment le reume de Nabarre / est assis entre le reaume de Fransse, Castilhe et A/ragon, et comment pluzieurs foys lui movent quelque / fasson de guerre et dissancions que en tieul cas ledit / sieur puisse demander subcide aulx ecleziastiques que / tienent ou tiendront beneffisses et otres biens en ha/bundansse plus que leur condecion no porte et pora relever / le povre peuple. et que tieul subcide se demandara par / l'evesque ou evesques et par eulx tauxer que seront en / se temps audit reaume.
(f. 2r) Instructions : pour memoyre à monsseigneur le cardynal d'Albret.
Premierement lui dira que en tout ce que posible lui sera trevaille de / recouvrer l'evesché de Panplone vers le cardenal de Sante Prexedes / et en le recovrant le roy de Nabarre, son frere, la lui fara / valoir a son proffit de quatre a cinq mile ducas et de cela / lui fara bonne surte par gens de bien de son reaume ou / de allurs pour les luy pourter en quelque part qu'il soit.
Plus sera dit à monsieur le cardinal coment l'evesque / d'Urgel est vieulx et ancien et inpotent, laqueledite / evesché est en la principaulté de Cathalonhe, et est / de la valeur de huyt en neuffx mile florins d'Aragon / pourtez audit evesque et se fayt appeler par son nom messire / Pierre de Cardone, et que ledit senyur fasse avecques / le pape luy octroye la rezervacion et coadjuctoyre dudit / evesché, et incontinent que l'octroy sera fet fasse assavoir audit / sieur le roy de Nabarre, son frère, pour avoir le placer / et consentement des roys de Castilhe.
Instruction ou memoyre au cardinal de Sante Prexede / lui dire. Coment le roy de Nabarre n’entent point que dors/enavant ledit cardinal aye de arranter l’evesché / de Panplone à milli fois de son reaume pourveu que / dedens son dit reaume y a gens soffizens pour avoir/ ladite arrendacion comme son merchans et autres et / lui balher bonne surte de le poyer aux termes et conve/nanses fetes en ladite arrendacion et termes prins par / les arrendeurs et par les arrendens. Et si par avanture / ledit cardinal Albret arrante par este anne ou par / aultres lui soit prie que le dite arrendacion soit revoquée/ et lui sera fet comme desus est dit.
